ساعات يمرون علينا نماين غريبة .. نعطيهم دم قلبنا .. نفتحلهم بيبان بيوتنا وقلوبنا .. نقول ربع وحبايب .. ونعدهم حسبة اهل ويمكن اكثر ..
شعور يعور لما يطعنونه واحنا غافلين .. و يستغفلونا واحنا نتغافل مو عشان شي بس عشان "العشرة" ..
نسامح ونرضى عقب لمساحل ولمراضاة بس مرات الشي يزيد عن حده .. وعلى قولة الاوليين الباب اللي اييك منه الريح صكه واستريح .. وفي ناس يضطرون الواحد ان صج "يستريح" من رفجتهم و علاقته فيهم ..وما اقول الا:
تييني وتطلب الغفران
لزلة منك او نسيان
تقول من الخطا انسان
تقول تكفه سامحني
انا قلبي شسوي فيه
ذبحه القهر والنكران
وراح ضحية الطيبة
انا قلبي دفنته سنين
وشوقي تشوفه العين
لكني حلفت يمين
دربك والله ما امشيله!
انا شفت الغدر والظلم
وشربت من الجحود بحور
بعت ما كان لنا برخيص
لا لا ما عرفت قدره
لا والله ماعرفت تصون
وتحفظ ما كان من عشره
انا حبك رفضته دوم
و بعد الغدر لا يمكن
ارضا بقربك ولا حتى يوم
روح و دور اب هالكون
قلب يتحمل دوابيرك
انا قلبي دفنته سنين
و في بعدك بتم مدفون
شكثر كان هالمسكين
يدور حق قلبك معاذيره
5 comments:
صح السانج
صدقتى والله
بعت ما كان لنا برخيص
لا لا ما عرفت قدره
لا والله ماعرفت تصون
وتحفظ ما كان من عشره
امر بنفس هالحاله
وايد اثر فينى البوست
:(
يعز على ان قلبى يجسى
احس ان انا مو انا
بس خلالاص لى متى اكون مداس
انداس وانا اضحك وارجع جنا ماكو شى
وارد انداس
عاد ليش
عشان عشره وعشان اهل وعشان عمات عين
:(
وشربت من الجحود بحور
اللي يقرا هالمقطع المفروض مايفكر يحاول
charisma ..
awal shai tislemen
marat eldinia t7id el wa7id ina yjasi galba shwaya bs mo 3ala ilkil ... o hatha mo '3ala6 bil3ks .. men isathaja ina el insan trusts people who do not deserve it .. so why bother ?
;) CHILLAX
o 10x 3al mroor
------
Barrak
hmm ... 9aj !
bs sa3at tilga el mo'7 yagfil, o tishti'3l el 3awa6if oo le3tibarat el thania lejtima3iya o '3erha ..
bs alzam ma 3ala el adimi karamta oo nafseta
yislamo 3al mroor :P
صح لسانك
Kila ma6goog
97 bnik
:D
Post a Comment