Wednesday, June 4, 2008
هذي سواياك!
نطرت و شاقني شوقي
و بجت من شوقك أشواقي
ذكرت لمسة ايدينك
يوم ما ضمت ايديني
أتصبر بموعد اللقيا
و اللقيا تناديني
تنادي كل شي فيني
***
عينك بحر ماله قاع
من على اليال يسحبني
لأعمق أعمق الأعماق
لقلبك اللي دهوقني
***
تناديني... تكلمني
و تسأل عللي شاغلني
وقتها الصوت فارقني
و الكلمة غدرت فيني
تمنيت عيني تتحجى
عن أحلى ما رأت عيني
عن النوخذه و الفارس
و اللي لقلبي حارس
***
تعال و حيل امسكني
طير فيني و طيرني
لدنيا الحب و الأحباب
نعيش أحباب ... نعيش قراب
Subscribe to:
Post Comments (Atom)
3 comments:
ذه فويس وذ ان
هذا ما يسمونه السهل الممتنع
على الرغم من بساطة الكلمة وسلاستها .. إلا انها تحملنا لمدى بعيد واسع الفضاء
جميل جدا ما قرأت هنا
تناديني... تكلمني
و تسأل عاللي شاغلني
وقتها الصوت فارقني
و الكلمة غدرت فيني
تمنيت عيني تتحجى
عن أحلى ما رأت عيني
أسعد كلما مررت من هناك
بانتظار هذه المشاعر بكل ما هو جديد فيها
مرور ثالث لهذه العفوية بالاحساس .. ولا نزال نسأل عن الأحوال يا فويس
فأين جديدك :)
اشتقنالك
بنت بطنها
تسلمين أخيتي على الكلام اللي يبرد علجبد بعز القيظ و لوهيه :D
سامحينا على الغطه و ما تفقدين غالي same here dear
حياج الله و يسلموووو
:D
Post a Comment