" الوقت ينسّي " عبارة مللت سماعها من على لسان الكثيرين .. ولربما كنت قد استشهدت بهذه العبارة في فترة سابقة من حياتي ..
قبل ان افقد اعز مخلوق راته عيني واحبه قلبي ..
" رحلت ومن بقا وياي يحس بضكتي وشقاي "
نبع من الحنان افتقدته بفقد معطيه .. وبحر عطاء لا يعرف الجزر ولا الاضمحلال ..
لست ادي كيف .. ولكن بحلول الشهر الثامن من هذا العام سيكون قد مر على رحليك سنة .. !
سنة .. ! حاربت فيها ذكراك .. لا لشيء ولكن استرسالي باستحضار الماضي يشعل فيّ الشوق والوله والحنين ..
يمزق اوصالي .. يحرقني من غيرما دخان ..
دموعي الحرّى تعوض عن اللهيب ..
صورتك مخبئة في محفظتي .. تذهب وتغدو معي في حلّي وترحالي .. تشعرني بالامان ..
وددت رجوعك للحظة .. لبرهة ..
اشفي بها عذابات الحنين
منظر جسك وهو ممدد امامي .. قد فارقته الروح .. فغدا ساكنا لا يئن ولا يبوح
وانا .. مشدوهة .. وددت ان اصرخ بك .. وددت ان استحث جسدك .. تحرك !
وددت ان اضخ الدم لقلبك .. انبض ! انبض !
ولكن ما جدوى ذلك ؟
ذلك المنظر لا ولن يفارق مخيلتي ..
ذلك المنظر .. كان فوق الاحتمال
اما الادهى من ذلك والامر .. فهو مشهد حملك الى مثواك الاخير !
علا الصراخ انهمرت الدموع و حينها فقط ! ادركت انها لحظة الفراق !
" يما !!! يماااا لاتخيليني !! "
كلمات شقت مسمعي التفت واذا هي عمتي تندب وتصرخ وهي في اشهر حملها الاولى !
لم اكن اعلم ما العمل ااصبرها ام اصبر نفسي السقيمة
..........
مرت الدقائق
ساعات
ايام
شهور
لم يتغير احساسي ... لم استطع النسيان ...
جرحي بفقدك لا يمحوه الزمن
موقف لست انساه ..
" تزوجو ! ابي اشوف عيالكم ! ماراح اشوف عيالكم " وتبجي !!!!
كانت تعلم !
-" لاتروحون لمارات اشلكم فيها !"
-" ماما عايشة ! لا تخلين ابوي يهون بروحه على طريف "
- " لا خلاص ودهم ونسهم "
كانت تعلم !
" راح تروحين وتردين ماراح تلقيني " - حق عمتي -
كانت تعلم !
...
سنة !! والله الايام تركض
سنة ! سنة اب مليون سنة !
من قال الوقت ينسي ! من قال الوقت ينسي !
لن انسى ..
و ساحارب الحزن رخم طغوته وجبروته
سأكون كما كنت انت .. مشعلا من نور ..
سامضي في طريقي ساعية لتحقيق امالي واحلامي وان بدت مستحيلة
وصورتك بين عيني تحثني على اكمال المسير
ودعناك جسدا يالغالية .. وستظلين فينا روحا تحيينا
:)
اللهم ارحم موتانا ومتى المسلمين واسكنهم فسيح جناتك ... آمين
15 comments:
اللهم ارحم المسلمين والمسلمين الاحياء منهم والاموات
وتأكدى لو كان لك ميت افضل ما يكون لهم الدعاء
أمين واجمعين انشالله
صدقت
"وولد صالح يدعو له"
مرات ابي اصير قوية واحاول انسي روحي
بس هم رحت ولا رديت اتم بشر بسرعة استسلم حق لدموع
( يمدحون جونسون )
تسلم
و شكرا على الدعوة والمرور :D
-" لاتروحون لمارات اشلكم فيها !"
-" ماما عايشة ! لا تخلين ابوي يهون بروحه على طريف "
- " لا خلاص ودهم ونسهم "
احرقني هذا الحوار
اعرف هذا الحزن
احسست بهذا الالم
اعرف شعور السنه الاولى على الرحيل
بعد وفاة ابوي قال لي شخص كبير بالسن جملة وايد ريحتني اتمنى تريحك مع اني ادري الشعور وايد مؤلم
شوف يبا ابوك راح للي ارحم منك ومنا كلنا
الله يرحمهم
ماادري ليش مسكت القلم وكتبت
الوقت ينسّي!؟
الوقت ينسّي!؟
اسمع هالكلمه
واصدق اني
اضحك على نفسي
الوقت ينسّي!؟
الوقت لوفيه رحمه ماخذاها
العمر لو يحس ماطواها
وترك دموع بالعيون
وسكن فيني حزن الكون
راحت اللي ترحم
وظلت الدنيا
تجسي
الوقت ينسي!؟
شفتك جدامي مافيج روح
كل اللي حولك ينوح
ناديتج وآمنت بالفراق
يمه صدري ليمنه ضاق
منو يشرحه
يمه
من بعدك بيترجم
حس حسي
الوقت ينسّي
اقدر اخذ من عمري واعطيج
يمه يمه واللي يعافيج
من سنه
وقصة رحيلج
سجني
وحبسي
الوقت ينسّي
الله يرحمها
ويرحمه
ويرحم جميع اموات المسلمين
Barrak !
اولا اشكرك على المرور المميز
والقصيدة ( او الشعر مادري شسمونه ) اللي هزت كل ضلع اب جسمي .. !
( راحوا للي ارحم منا كلنا )
الحمدلله على كل حال
اله يرحمهم ويسكنهم اعلى جناته
ساعات احلم فيها .. احلم اني مثل سويتلها عملية مثل لفلام ورديتها مرة ثانية حق الدنيا
الحلم وايد تكرر
بس بكل مرة اشوفها وانا رادتها احس انها متضايقة وماتبي الدنيا
تبتسم لي بالحلم بس احس فيها متضايقة من داخل
احس جنه ربي ببينلي ان الموت اريح لها من دنيتنا ..
كلام وايد كنت ابي اقوله لها
احاسيس وايد ماقدرت اوصلها
بس كانت تدري !
شفتك جدامي مافيج روح
كل اللي حولك ينوح
ناديتج وآمنت بالفراق
يمه صدري ليمنه ضاق
منو يشرحه
منظر لا يمكن ينمحي من الذاكرة !
الحين ما اقدر اقعد اب دارها اللي كنت حافرة عليها يادّة .. كل ما ظاجت فيني الوسيعة رحت وقعد معاها
بدقايق تنسيك اللي فيك !
براك يبتها ييبه !
والله ما ادري شقول غير يعطيك العافية
والله يتغمد الجميع بواسع رحمته
اشهد ان لا الاه الا الله و اشهد ان محمد رسول الله
الله يرحمها و يرحم أموات الجميع
أما بالنسبة عن النسيان , فلا كلام بعد كلام براك
بس أطمنج
ما راح تنسين, و لا ارى أي سبب يدعوا للنسيان
بالعكس الذكرى و التذكر شيء جيد و البكاء على فراق العزيز شيء يفرغ النفس من همومها و يغسل القلب من تلوث الدنيا
الله يصبرج و شدي حيلج
اكيد هي في مكان افضل الان
kila ma6goog
تسلم
والله يرحم موتانا وموتى المسلمين
وصدقت ماكو سبب يدعو للنسيان
بس مرات تكون الذكرى ورغم حلاوتها الا انها تكون اقسى على القلب من الذكريات الاليمة
مشكور مرة ثانية :)
الله يرحمهم كلهم
:(
بقولج شي بس مابي اخرعج .. يقولون لما تحلمين بالميت واهوا ساكت ( يعني ماتحجى بالحلم ) يعني انتي شفتيه اهوا بشحمه ولحمه
والحمدلله يمكن الاحلام تخفف شوي من اللي نحس فيه ، على الاقل نشوفهم اذا ولهنا عليهم
---
اللهم أبدلهم داراً خيراً من ديارهم
واجمعنا وياهم في جنتك ياربي ياحبيبي
الله يرحمها و يرحم أموات المسلمين ..
لا أراكم الله في عزيز مكروه ..
قصة مماثلة حدثت لي الشهر الماضي ..
وفاة جدي رحمة الله عليه
Relaax ...
حسيت فيها
كنت لامتها اب واحد من لحلوم
والله حسيت فيها
وكانت ساكتة وتبتسم
بس ضايق خلها ليش رديتها !!
حتى وانا بالحلم حاسة بالذنب
قاعدة اقول ليش رديتها واهيا مو مرتاحة !!
تشكرات على المعلومة
احس طخختني شوية :)
----------
KUW_SON
عظم الله اجرك والبقا اب راسك
" اذا عز بالدنيا اللقا ففي الاخرة لنا رجاء "
تشكر على المرور
الله يرحمهم برحمته
الله يرحمها ويغفرلها
بس سنة عن سنة الجرح ان شاء الله
بيخف ويهون ، ماراح يندمل للابد
بشكل كاااامل ...دايما راح تظل اثاره بالقلوب
بس كل شيء بيهون وبتشوفين ان شاءالله
عشرون عاما
مرت على وفاة جدتي الله يرحمها ولا زلت استحضر رائحتها ودفء احضانها
:
سنتين مرت على وفاة مربيتي واقرب انسانة من بعد الوالدة حفظها الله ولازالت الدموع تسبق ذكراها
الاعزاء ياصديقه لا يرحلون
ذكراهم تظل لامعه في القلب
رحم الله والدتك
ورحم الله اموات المسلمين
وغفر لهم
واكرم نزلهم
ورحمهم في الارض
وعفى عنهم وعنا يوم العرض
اللهم آمين
كلماتك
وكلمات براك ادمت قلبي
لصدقها ولانها لامست جرحا
كلنا عشناه
:
:
اعذري
دخولي لاول مرة على مدونتك
لاجد احزانك في الواجهه
اتمنى ان تكلل ايامك القادمة بالفرح
:
دمتِ بخير
الاستاذ بلاليط ..
امين
تشكر على المرور
vancouver
تسلميين
والله يسمع منج
يسلمو على المرور
عذبه ....
الموت حق علينا اللهم لا اعتراض
و صج الميت يروح يسج بس يتم معانا روح
لا يمكن انسا ولا ابي انسى الانسانة اللي علمتني شلون اكون انسانة !
الله يرحم موتانا وموتى الجميع
حياج الله في المدونة ضيفة عزيزة
:D
الله يرحم الغاليه وعساها بجنات النعيم
.
.
.
جم مرة اقرى البوست
تخنقني العبره واطلع
جم مرة قريت الحوار
وجم مرة كش شعر ينبي وانا اقرا ماما عايشه
!!
كل ما فكرت لج بكلام مصفف
مرتب
حلو
!! ما القى
ما لقيت الا كلام من قلبي اكتبه لج،اددعي لها وحبيها وتذكريها بالخير دوم
خلي ذكراها ذكرى خير تدفعج معنويا للامام، اسعي لبرها ختى بعد مماتها وعسى ربي ببرج لها يجمعج فيها بجنات النعيم
:)
estekana
تسلمين اخيتي
الله يجزاج الجنة
وانشالله بسوي اللي قلتيه
نشكر مرورج وحياج الله :D
Post a Comment