عيد ميلادي

بشوفتك اكتملت اعيادي و معاك أرخت ميلادي يا احلى احلى اعيادي تدري ... بعيد ميلادي أحلى الهدايا ييتك و أغلى العطايا لمستك... ذابت روحي بلمتك و خفق قلبي لضحكتك يا أحلى أحلى أعيادي لك سلمت اففادي يا عطر الورد و الكادي

متغير...

اتركم مع مداحر الجوزاء أو بالأحرى داحس و الغبراء: عييت دمعتي تنزل و عيا الهم في صدري يترك قلبي الشقيان قبل لا يرد لي بدري ما قمت علي توله؟ ولا الوله كبر فيني تهقا حبي لك زايد و قلبك ما عاد يجاريني صوتك مهو صوتك ووصلك مو مثل لول يا ترى هم بعد صوتي شكل صوتك يتحول! قول...علمني... قربي جاويك؟ تبي ابعد و أخليك؟ جود يقربك غيابي جود تحس بعذابي ترا تاهت بي دروبي و حتى عافني ثوبي طلبتك تكفا لا تبطي طلبتك تكفا لا تبطي

هذي سواياك!

نطرت و شاقني شوقي و بجت من شوقك أشواقي ذكرت لمسة ايدينك يوم ما ضمت ايديني أتصبر بموعد اللقيا و اللقيا تناديني تنادي كل شي فيني *** عينك بحر ماله قاع من على اليال يسحبني لأعمق أعمق الأعماق لقلبك اللي دهوقني *** تناديني... تكلمني و تسأل عللي شاغلني وقتها الصوت فارقني و الكلمة غدرت فيني تمنيت عيني تتحجى عن أحلى ما رأت عيني عن النوخذه و الفارس و اللي لقلبي حارس *** تعال و حيل امسكني طير فيني و طيرني لدنيا الحب و الأحباب نعيش أحباب ... نعيش قراب

أعلن الفرمان

يا نسمة ف عز القيظ تلفحني تطير ما بقا بعقلي تشيل الغم من صدري ابد لا منتا انسان! تشوف الناس في لهوة و زود الحجي و اللغوة وزير عائد وزير رابد و وزير انشال و فجأة تصدر الفرمان: ادني مني يا حبي و ارويلي عطش قلبي خلي دنيا الناس لرب الناس و تعالي نعيش دنيانا ذمينا الفساد اللي تلقفنا تكلمنا ... شجبنا ... تحركنا نسينا و تناسينا انه لوما فساد نفوسنا ما يانا تعالي نعيش دنيانا تعالي نعيش دنيانا